"სიტყვებსაც ვერ ვპოულობ, მისი მეჯვარე ვიყავი... რაზეც იდგნენ, ის მოწყობილობა გამოსულა მწყობრიდან, სამიდან ერთი გადმომხტარა..." - რას ჰყვება სარკინიგზო ავარიისას გარდაცვლილი ბიჭის მეგობარი?
3 სექტემბერს თბილისში, დიდუბე-ავჭალის მონაკვეთზე მომხდარი სარკინიგზო შემთხვევის გამო გარდაიცვალა "საქართველოს რკინიგზის" ორი თანამშრომელი, რომლებიც გეგმურ სამუშაოებს ასრულებდნენ.
ერთ-ერთი გარდაცვლილი ლაშა ცაგარეიშვილია.
"ლაშა ჩემი ბავშვობის მეგობარია, ერთად გავიზარდეთ, ერთ ქუჩაზე ვცხოვრობდით... 5 ოქტომბერს 25 წლის გახდებოდა. ორი თვის წინ ქორწილი ჰქონდა, მისი მეჯვარე ვიყავი.
რკინიგზაში დაახლოებით 1 წელია, რაც მუშაობს. რკინიგზაზე რაღაცებს არემონტებდნენ, სამნი ყოფილან.
როგორც ამბობენ, მატარებელი რომ წამოსულა, რაზეც იდგნენ, ის მოწყობილობა გამოსულა მწყობრიდან, ვერ ჩამოსწიეს, სამიდან ერთი გადმომხტარა, ამ ორმა ვერ მოახერხა.
ისეთი დალეწილია საცოდავი, ხელ-ფეხი მიაკერეს... ლაშამ ყველას გული მოკლა, სიტყვებსაც ვერ ვპოულობ" - ამბობს ambebi.ge-სთან მატარებლის დაჯახების შედეგად დაღუპული ლაშა ცაგარეიშვილის მეგობარი ბექა ღურბელეიშვილი.
ვრცლად სტატია წაიკითხეთ ბმულზე>>>