"თითოეულ მათგანს მოვუწოდებ, რომ დავალებების შესრულებაზე ხელი აიღონ" - მამუკა მდინარაძე ოპოზიციაზე
„იციან, რომ წარმოუდგენლად დაბალი რეიტინგი აქვთ, არანაირი შანსი, არათუ გამარჯვების. ერთი პარტიის იქით რამდენიმე პარტიას ბარიერის გადალახვაც კი უჭირს და ზღვართან მიახლოებულად პოზიციონირებენ.
ჩვენ ვთხოვთ საზოგადოებას, რომ ამ ყველაფერს ძალიან ყურადღებით დააკვირდნენ, იმიტომ, რომ ერთადერთი, რაც დარჩენიათ ან წინასაარჩევნოდ, ან ამის შემდეგ, რაღაცა სახის პროვოკაციები მოაწყონ, რაღაცა სერიოზული ისეთი საკითხები დღის წესრიგში დადგეს, რომელიც მათი აზრით, საზოგადოებას აღაშფოთებს და ამ დღის წესრიგს მიჰყვებიან, სხვა შანსი არ აქვთ და ამიტომ, როგორც ჩანს, რაღაცა გეგმა „ბ“-დ ამას მოიაზრებენ. თითოეულ მათგანს მოვუწოდებ, რომ დავალებების შესრულებაზე ხელი აიღონ და ეს ქვეყანა მშვიდ ცხოვრებას გააგრძელებს“ - განაცხადა მდინარაძემ.