"რაც შეეხება სიახლეს, კონსულტაციები გვქონდა მნიშვნელოვან საკითხზე და შეთანხმებას მივაღწიეთ" - პრემიერის თქმით, კონსტიტუციაში მყარი ჩანაწერი გაჩნდება, რომლითაც მართლმადიდებლობის სტატუსი ახლებურად განისაზღვრება
მყარი ჩანაწერი გაჩნდება კონსტიტუციაში, რომლითაც განისაზღვრება ახლებურად მართლმადიდებლობის სტატუსი და ეს აისახება მართლმადიდებელ ეკლესიაზე, როგორც უმნიშვნელოვანეს ინსტიტუტზე ჩვენი ქვეყნისთვის, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს განუცხადა.
მთავრობის მეთაურის თქმით, კონსტიტუციაში გაჩნდება ჩანაწერი, რომელიც განსაზღვრავს, რომ მართლმადიდებლობა არის ქართული სახელმწიფოს თვითმყოფადობის საყრდენი.