"საშინელი ხმა მომესმა... გარეთ რომ გავიხედე, მივხვდი, ავარია იყო... ერთი გარდაიცვალა" - უმძიმესი ავარია ხონში
ხონში, სოფელ კუხში ავარიის შედეგად ერთი ადამიანი დაიღუპა, არიან დაშავებულებიც. ინფორმაციას "მთავარი არხი" ავრცელებს.
"საშინელი ხმა მომესმა... გარეთ რომ გავიხედე, მივხვდი, ავარია იყო. ერთი გარდაიცვალა. მგონი, 2 დაშავდა. შემთხვევა გვიან ღამით მოხდა," - აცხადებს თვითმხილველი.
არსებული ინფორმაციით, მსუბუქი ავტომობილის მძღოლმა, სავარაუდოდ, საჭე ვერ დაიმორჩილა და ხეს შეეჯახა.
მომხდარზე დაწყებულია გამოძიება.