ქობულეთში ავტომობილი დედა-შვილს შეეჯახა - ქალი კლინიკაში შეყვანისას გარდაიცვალა
ქობულეთში მსუბუქი ავტომობილი დედა-შვილს შეეჯახა.
"აჭარის საზოგადოებრივი მაუწყებლის" ცნობით,დედა-შვილი ზებრა-გადასასვლელზე გადადიოდა, რა დროსაც მათ გზის სავალ ნაწილზე მოძრავი ტაქსი დაეჯახა.
დაშავებულები სასწრაფო-სამედიცინო დახმარების ბრიგადამ კლინიკაში გადაიყვანა.
ქალი კლინიკაში შეყვანისას გარდაიცვალა, ხოლო მოზარდის ჯანმრთელობის მდგომარეობა ჯერჯერობით უცნობია. შემთხვევის ადგილზე სამართალდამცველები იყვნენ მობილიზებული.
ფაქტზე გამოძიება მიმდინარეობს. არსებული ინფორმაციით, დედა-შვილი უცხო ქვეყნის მოქალაქეა.