"კახეთის გზატკეცილზე, გადავწყვიტეთ, რომ ერეკლე II-ის ძეგლი აღვმართოთ" - ირაკლი კობახიძე
საქართველოს პრემიერ-მინისტრ ირაკლი კობახიძის გადაწყვეტილებით, კახეთის გზატკეცილზე, შინაგან საქმეთა სამინისტროს მიმდებარე ტერიტორიაზე, ერეკლე II-ის ძეგლი აღიმართება. აღნიშნული გადაწყვეტილება ირაკლი კობახიძემ მთავრობის სხდომაზე გამოაცხადა.
მისი თქმით, სათანადო პატივი უნდა მივაგოთ საქართველოს ისტორიას და ყველა იმ გმირს, რომლებსაც ჩვენი ქვეყნის წინაშე, ეროვნული და რელიგიური იდენტობის თვალსაზრისით, განსაკუთრებული წვლილი მიუძღვით.