კორპუსში, სადაც ბერი ნარიმანი ცხოვრობს 2 ადამიანი დაჭრეს - არსებული ინფორმაციით, ერთმანეთს მრევლი დაუპირისპირდა
ფონიჭალაში ორ ადამიანს სავარაუდოდ ცივი იარაღით ჭრილობები მიაყენეს.
როგორც "რუსთავი 2-ს" შინაგან საქმეთა სამინისტროში განუცხადეს, ფაქტზე გამოძიება, 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.
მისამართზე, სადაც შემთხვევა მოხდა, ბერი ნარიმანი ცხოვრობს. ადგილზე საგამოძიებო მოქმედებები მიმდინარეობს.
დამატებითი დეტალები ჯერჯერობით უცნობია.