ტედი რინერის პირველი კომენტარი თუშიშვილთან დაპირისპირების შემდეგ
მას შემდეგ რაც ლეგენდარული ტედი რინერი პარიზში მიმდინარე ოლიმპიურ თამაშებზე სამგზის ოლიმპიური ჩემპიონი გახდა, lagazzetta.ge-ის კითხვას უპასუხა გურამ თუშიშვილთან შეხვედრისას მომხდარ ინციდენტზე.
"საქართველოს ძიუდოს ძლიერი სკოლა აქვს, დღეს დიდებული დღე იყო, შესანიშნავი დაპირისპირება ჩავატარეთ. გურამი დიდებული მოწინააღმდეგეა, მე მას დიდი ხანია ვიცნობ, იმედია, მომავალში ყველაფერი კარგად იქნება, ჩვენს შორის არანაირი დაძაბულობა არ არის," - განაცხადა ტედი რინერმა.
შეგახსენებთ, მას შემდეგ რაც რინერმა გამარჯვება მოიპოვა ტატამიდან ადგომამდე აღნიშნა, რაც თუშიშვილისთვის არასასიამოვნო ჟესტი იყო და ქართველმა რეაგირება მოახდინა, რის გამოც გურამ თუშიშვილი ოლიმპიური თამაშებიდან ჩახსნეს, როგორც ინდივიდუალური, ასევე გუნდური ასპარეზობიდან, ხვალ მას ილია სულამანიძე შეცვლის.