"იქნებ ვინმეს სითბური დრონი გქონდეთ ან იცოდეთ რო აქვს და სამძებრო სამუშაოებში ჩაერთოთ, სანამ იმედი კიდევ არის..." - სვანეთში დაკარგული ორი ახალგაზდის ახლობელი მიმართვას ავრცელებს
მესტიისა და ლენტეხის ტერიტორიაზე, ორი მოქალაქის ძებნა-შველის ოპერაცია მიმდინარეობს. ინფორმციას შსს-ს საგანგებო სიტუაციების მართვის სამსახური ავრცელებს. სამაშველო ოპერაციაში სასაზღვრო პოლიციის ვერტმფრენის ჩართვა მეტეოროლოგიური პირობების გამო, ამ ეტაპზე ვერ ხერხდება.
ოჯახის ახლობელი დათო ფარჯიანი სოციალურ ქსელში დახმარებას ითხოვს:
"გამარჯობათ მეგობრებო 2700 მეგობარი მყავს აქ და ყველას დახმარება მჭირდება. სასწრაფოდ გთხოვთ თუნდაც უბრალოდ გაკითხვით ინფორმაციის გადაცემით. მჭირდება ადამიანები დრონებით მოხალისე თუ დაქირავებული იქნებ ვინმეს სითბური დრონი გქონდეთ ან იცოდეთ რო აქვს და სამძებრო სამუშაოებში ჩაერთოთ სანამ იმედი კიდევ არი... 5 დღეა დაიკარგნენ ტყეში ჩემი ახლობლები, ორი დღის წინ მოახერხეს დაკავშირება და მესიჯის გამოგზავნა რო დაიკარგნენ ტყეში. გადადიოდნე ლენტეხში ზემო სვანეთიდან. ანუ ბოლო კონტაქტიდან ორი დღეა გასული და არის იმედები რო ცოცხლები არიან და დახმარება სჭირდებათ. თუ ვინმეს შეგიძლიათ დახმარება ძაან გთხოვთ დაგვეხმარეთ ძებნაში."