ნეაპოლში იტალიურ ენაზე გახმოვანებული ქართული კინოკომედიის კლასიკის - "ფეოლას" პრემიერა შედგა - პალიტრა ვიდეო

9 მაისს იტალიის ქალაქ ნეაპოლში, კინოთეატრში „მოდერნისიმო“, იტალიურ ენაზე გახმოვანებული ქართული კინოკომედიის კლასიკის, „ფეოლას“ პრემიერა შედგა.

ბაადურ წულაძის უკვდავი ფილმის პერსონაჟები, ფილმის, რომელიც რეზო გაბრიაძის სცენარის მიხედვითაა შექმნილი და გია ყანჩელის უკვდავი მუსიკა ამშვენებს, იტალიურ ენაზე იტალიელი სპორტული ჟურნალისტების და სხვა ცნობილი ადამიანების ხმით ალაპარაკდნენ.

იდეა იტალიაში მცხოვრებ ქართველ ჟურნალისტს, ERMES TV-ის დამფუძნებელსა და გენერალურ დირექტორს, ნინა მამუკაძეს ეკუთვნის.

პროექტი საქართველოს საგარეო საქმეთა სამინისტროს დიასპორის დეპარტამენტის კონკურსის, „დიასპორული ინიციატივების“ ფარგლებში და საქართველოს ეროვნული კინოცენტრის მხარდაჭერით განხორციელდა.