"სირცხვილია..."- რას ამბობს ლაზარე გრიგორიადისი სასამართლოს გადაწყვეტილებაზე?
თბილისის საქალაქო სასამართლომ პარლამენტთან მაისში მიმდინარე აქციებისას ადმინისტრაციული წესით დაკავებული ლაზარე გრიგორიადისი სამართალდამრღვევად ცნო.
აღნიშნული გადაწყვეტილება მოსამართლე ირაკლი ჩიკაშუამ მიიღო.
მოსამართლემ ლაზარე გრიგორიადისი 2 300 ლარით დააჯარიმა.
ლაზარე გრიგორიადისი პარლამენტთან 14 მაისს დააკავეს. მას ადმინისტრაციულ სამართალდარღვევათა კოდექსის 166-ე და 173-ე მუხლების დარღვევას ედავებოდნენ, რაც პოლიციელისადმი დაუმორჩილებლობასა და წვრილმან ხულიგნობას გულისხმობს.