"მეხანძრე-მაშველები ადგილზე ნავებით მივიდნენ და მეტალის წყლით გაციებას ცდილობდნენ" - ნიუ-იორკის ხიდი სიცხის გამო გახსნილ მდგომარეობაში გაიჭედა
ნიუ-იორკის ხიდი, რომელიც მესამე ავენიუზე მდებარეობს, მაღალი ტემპერატურის გამო გადახურდა და გახსნილ მდგომარეობაში გაიჭედა. ის ბრონქსსა და მანჰეტენს აკავშირებს ერთმანეთთან. შექმნილი ვითარების გამო სატრანსპორტო მოძრაობა შეიზღუდა.
ნიუ-იორკის ოფიციალური პირების განცხადებით, ქალაქის მეხანძრე-მაშველები ადგილზე ნავებით მივიდნენ და მეტალის წყლით გაციებას ცდილობდნენ, რათა გადახურებისაგან გაფართოებულ მეტალს საწყისი ფორმა მიეღო და ხიდის მოძრაობა აღდგენილიყო.
ინფორმაციას და ვიდეო კადრებს BBC ავრცელებს.