"სულ მცირე, 20 ადამიანი დაიღუპა" - მძიმე კადრები უკრაინიდან, სადაც რუსეთის მიერ სარაკეტო თავდასხმები განხორციელდა - პალიტრა ვიდეო

უკრაინაში რუსების მიერ დღეს განხორციელებულ სარაკეტო თავდასხმებს, მათ შორის ბავშვთა საავადმყოფოზე, სულ მცირე, 20 ადამიანი ემსხვერპლა.

კიევის საქალაქო ხელისუფლების განცხადებით, უკრაინის დედაქალაქში თავდასხმის შედეგად 7 ადამიანი დაიღუპა და, სულ მცირე, 25 დაშავდა.

კრივი-რიჰის მერის, ალექსანდრ ვილკულის ინფორმაციით, ქალაქში 10 ადამიანი დაიღუპა და 30-ზე მეტი დაშავდა.

დონეცკის ოლქის ქალაქ პოკროვსკში კი, რუსეთის სარაკეტო დარტყმის შედეგად, 3 ადამიანი დაიღუპა.

უკრაინის პრეზიდენტის, ვოლოდიმირ ზელენსკის განცხადებით, რუსულმა ძალებმა უკრაინას 40-ზე მეტი სხვადასხვა ტიპის რაკეტით შეუტიეს.