ბათუმში პარაშუტი ჩამოვარდა, რომელზეც ტურისტი ცოლ-ქმარი იმყოფებოდა - დაღუპულია ერთი პირი
ბათუმში პარაშუტის ჩამოვარდნის შედეგად ტურისტი დაიღუპა.
როგორც ადგილობრივებმა “ინტერპრესნიუსს” განუცხადეს, ძლიერი ქარის შედეგად პარაშუტი ჩამოვარდა, რომელზეც ტურისტები, ცოლ-ქმარი იმყოფებოდნენ.
დაშავებული მამაკაცი ბათუმის რესპუბლიკურ საავადმყოფოში სასწრაფო სამედიცინო დახმარების ჯგუფმა გადაიყვანა, ხოლო ქალი ადგილზე დაიღუპა.
ადგილზე შესაბამისი სამსახურები იყვნენ მობილიზებული.