"26 მაისს, დედაქალაქს ქართულმა სუ-25-ებმა გადაუფრინეს, საქართველოს ეროვნული დროშის თეთრი და წითელი ფერის კვამლის ცაში გაფრქვევით - ამ თვითმფრინავებიდან ერთ-ერთს კახა ზურაბაშვილი მართავდა" - რა არის ცნობილი გამოცდილ მფრინავზე, რომელიც დღეს ტრაგიკულად დაიღუპა?
"2 ივლისს, ერთ-ერთი გეგმური სამხედრო სწავლების დროს, რომელშიც ჩართული იყო საავიაციო კომპონენტი, თავდაცვის ძალების კუთვნილმა ერთ-ერთმა საფრენმა აპარატმა განიცადა კატასტროფა. სუ-25 კატასტროფის შედეგად, ტრაგიკულად დაიღუპა თავდაცვის ძალების ავიაციისა და საჰაერო სარდლობის პილოტი, კახაბერ ზურაბაშვილი. აღნიშნული შემთხვევის მიზეზების დადგენის მიზნით, თავდაცვის უწყების შესაბამისი სამსახურები აწარმოებენ დეტალურ გამოკვლევას.
კახაბერ ზურაბაშვილი გამოცდილი მფრინავი გახლდათ და ის ხელმძღვანელობდა კიდეც ახალგაზრდა პილოტების გადამზადებას სუ-25 ტიპის მოიერიშე თვითმფრინავებზე.
26 მაისს, საქართველოს დამოუკიდებლობის დღეს, დედაქალაქს დაბალ სიმაღლეზე ქართულმა სუ-25-ებმა გადაუფრინეს, საქართველოს ეროვნული დროშის თეთრი და წითელი ფერის კვამლის ცაში გაფრქვევით...ამ თვითმფრინავებიდან ერთ-ერთს კახა ზურაბაშვილი მართავდა. ამ თვითმფრინავებს შორის, ერთ-ერთი ის სუ-25-იც იყო, რომელმაც დღეს კატასტროფა განიცადა.."