მოედანზე დედასთან ერთად ატირებული რონალდუ - პორტუგალია-სლოვენიის მატჩი მსოფლიოს ყურადღების ცენტრში მოექცა
პორტუგალია-სლოვენიის მატჩი მსოფლიოს ყურადღების ცენტრში მოექცა.
მედია კრიშტიანო რონალდუს ცრემლებსა და პენალტების სერიას განიხილავს. კაპიტანი გუნდის სახელით გოლის მოპოვებას ცდილობდა, თუმცა სლოვენიის მეკარემ, იან ობლაკმა, თერთმეტმეტრიანის მოგერიება საკმაოდ შთამბეჭდავად შეძლო.
105-ე წუთზე სლოვენიის კარის მიმართულებით პენალტი დაინიშნა, რომელიც კრიშტიანუ რონალდუმ ვერ გაიტანა.
მიუხედავად იმისა, რომ საბოლოოდ პორტუგალიამ სლოვენია პენალტების სერიაში დაამარცხა, განსჯის საგანი რონალდუს და მისი დედის ცრემლები გახდა.
საბოლოოდ, პორტუგალია-სლოვენიის მატჩი 0:0 (პენ 3:0) დასრულდა.
5 ივლისს, მეოთხედფინალში, პორტუგალია საფრანგეთს შეხვდება.