ვრცელდება კადრები ბექა ხოფერიას ქორწილიდან, რომელსაც მისი ყოფილი ცოლიც ესწრებოდა, - "ველოდებით დედოფალს, რომელსაც ძმა მოაცილებს"
თიკა ჯამბურია, შვილთან ერთად, სიცილიაში ყოფილი ქმრის ქორწილს დაესწრო. ბექა ხოფერიასა და სოფო ქურდიანის ზღაპრული ქორწილი სიცილიის ერთ-ერთ შატოში, Castello Xirumi-ში გაიმართა. აეროპორტის გზაზე თიკა წერდა, რომ მისი გამომწერები მალე გაიგებდნენ, თუ სად მიფრინავდა შვილთან ერთად.
სიცილიურ ქორწილს საქართველოდან ჩასული სტუმრები ესწრებოდნენ. წყვილმა ამ ზღაპრულ დღეს ხელი მოაწერა. პატარძალმა ორჯერ გამოიცვალა კაბა.
თიკას ფოტოებით თუ ვიმსჯელებთ, ყოფილი მეუღლის ქორწილში არაჩვეულებრივი დრო გაატარა. უკვე დიდი ხანია ამბობს, რომ ბექასთან მეგობრული ურთიერთობა აქვს და თიკა თავადაც შეყვარებულია, თუმცა ამ თემაზე საჯაროდ არ საუბრობს.
შეგახსენებთ, რომ თიკას და ბექას ქორწილებიდან საერთო შვილი ნინა ჰყავთ. განქორწინების შემდეგ რამდენიმე წელში ბექა ხოფერია მეორედ დაქორწინდა და მისი რჩეული ინა ოსიპოვა გახდა. ერთმანეთი მოსკოვში გაიცნეს. მაშინ ბექა ამბობდა, რომ იპოვა ის ადამიანი, ვისაც ეძებდა. ინას და ბექას ორი გოგონა შეეძინათ, თუმცა მედიაში გაჩნდა ინფორმაცია, რომ ერთმანეთს ისინიც დაშორდნენ.