ათასობით ადამიანის პროტესტი პარიზის „რესპუბლიკის“ მოედანზე - რას ითხოვს მოსახლეობა?
პარიზის „რესპუბლიკის“ მოედანზე ათასობით ადამიანი შეიკრიბა და საპარლამენტო არჩევნების პირველ ტურში ულტრამემარჯვენე პარტია “ეროვნული გაერთიანების“ გამარჯვება გააპროტესტა, - ინფორმაციას France 24-ი ავრცელებს.
გამოცემის ცნობით, აქციის მონაწილეები სკანდირებდნენ : „ფაშისტებო, წადით“. მომიტინგეების უმეტესობა ახალგაზრდა იყო.
შეგახსენებთ, ეგზიტპოლების თანახმად, საფრანგეთის ვადამდელი საპარლამენტო არჩევნების პირველ ტურში მარინ ლე პენის ულტრამემარჯვენე პარტია „ეროვნული გაერთიანება“ 34 პროცენტით ლიდერობს.