ვინ არის ახალგაზრდა და სიმპათიური მსაჯი, რომელმაც ქართველების გული დაიპყრო?
ევროპის ჩემპიონატის ჯგუფური ეტაპის ბოლო შეხვედრაში საქართველოს ნაკრებმა პორტუგალია 2:0 დაამარცხა და მერვედფინალში გავიდა.
დაძაბული და ქართველებისთვის გადამწყვეტი მატჩის მსაჯი შვეიცარიელი სანდრო შარერი იყო. 36 წლის შარერმა მიმდინარე ევროპის ჩემპიონატზე ერთი შეხვედრა უკვე იმსაჯა – სლოვენიისა და დანიის თამაშზე.
სანდრო შარერი 1988 წლის 6 ივნისს, შვეიცარიაში დაიბადა. საშუალო სკოლის დამთავრების შემდეგ სწავლობდა სპორტსა და გეოგრაფიას ბაზელის უნივერსიტეტში. გარკვეული პერიოდი მუშაობდა სხვადასხვა უმაღლეს სასწავლებელში პედაგოგად და სათხილამურო ინსტრუქტორიც იყო. 2005 წელს, 24 წლის ასაკში, შვეიცარიის ჩელენჯ ლიგის თამაშების მეთვალყურეობა დაიწყო. 2013 წელს მისი დებიუტი შედგა სუპერლიგაში FC Lausanne-Sport-ისა და FC Thun-ის თამაშში.
2015 წლიდან სანდრო ფიფას არბიტრია. მისთვის პირველი საერთაშორისო ტურნირი 2017 წელს შედგა, როდესაც ახალგაზრდული ევროს საკვალიფიკაციო ეტაპი განსაჯა.
შარერი მონაწილეობდა უეფას სხვადასხვა შეჯიბრებაში, როგორებიცაა ჩემპიონთა ლიგა და ევროპა ლიგა. ასევე ხელმძღვანელობდა ბრაიტონის მატჩს ათენის აეკ-თან ევროპის ლიგაზე, 2023 წელს.
FC Buttikon-თან ინტერვიუში განაცხადა: "მე მირჩევნია მსაჯი ვიყო, მაგრამ ასევე მომწონს VAR-ზე ყოფნა. ეს სხვა როლია... ამ მომენტში უნდა დაივიწყო, რომ მსაჯი ხარ. თამაშში მხოლოდ მაშინ უნდა ჩაერიო, როცა აშკარა შეცდომას დაინახავ."
2022 წლიდან შარერი ფიფას ელიტარული არბიტრია.