სელინ დიონი შემზარავ ვიდეოს აზიარებს - როგორ ებრძვის მომღერალი იშვიათ დაავადებას, რომელიც ტანისა და კიდურების კუნთების მტკივნეულ სპაზმებს იწვევს
სელინ დიონის შესახებ მალე ახალი დოკუმენტური ფილმი გამოვა, თუმცა პრემიერამდე რამდენიმე კადრი ინტერნეტში უკვე გავრცელდა. როგორც ცნობილია, ლეგენდარული მომღერალი ფილმში დაავადებასთან ბრძოლაზე ისაუბრებს.
ვიდეოებში ჩანს, თუ როგორ ცდილობს სამედიცინო პერსონალი, შეამსუბუქოს მისი კუნთების მტკივნეული სპაზმები.
ორი წლის წინ ცნობილი გახდა, რომ სელინს განუკურნებელი დაავადების დიაგნოზი დაუსვეს. ცოტა ხნის წინ მომღერალმა დოკუმენტურ ფილმში "I: Celine Dion" დაავადებასთან ბრძოლაზე ისაუბრა.
“ხისტი პიროვნების სინდრომი“ უკიდურესად იშვიათი აშლილობაა, რომლის დროსაც ტანისა და კიდურების კუნთები მონაცვლეობით ხდება სპაზმური და ხისტი. პროგრესირებადმა დაავადებამ შესაძლოა პაციენტი ეტლს მიაჯაჭვოს.