"ნუ დავივიწყებთ, რომ..." - რას ამბობს რუსი ყოფილი მწვრთნელი საქართველოს ნაკრების პლეი-ოფში გასვლაზე
კამერუნის ნაკრების ყოფილი რუსი მწვრთნელი ვალერი ნეპომნიაში მიიჩნევს, რომ საქართველოს ნაკრები ევროპის ჩემპიონატის პლეი-ოფში ვერ გავა.
„საქართველოს ჯგუფიდან გასვლის შანსი, პრაქტიკულად, ნულის ტოლია. გუნდი ასეთი დიდი ამოცანების გადასაჭრელად ჯერ კიდევ არ არის მზად. თვით კვარაცხელია დიდ ტურნირზე ზეწოლას ვერ გაუმკლავდა. მისგან მეტს ელოდნენ.
თუმცა, ნუ დავივიწყებთ, რომ საქართველო ტურნირის დებიუტანტია. ვფიქრობ, გულშემატკივრები უკვე კმაყოფილები არიან იმით, რომ გუნდმა თუნდაც ერთი ქულა მოიპოვა“, - განუცხადა ნეპომნიაშიმ РБ Спорт-ს.