გიორგი მამარდაშვილის პირველი კომენტარი მატჩის დასრულების შემდეგ - "რა თქმა უნდა, შეგვეძლო ბოლო წუთზე მოგება, მაგრამ..."
"ბოლო წუთზე შეგვეძლო მოგება, ამის გამო გული მწყდება, მაგრამ არაუშავს, ეს ფეხბურთია და ყველაფერი ხდება" - ამის შესახებ საქართველოს ნაკრების მეკარემ, გიორგი მამარდაშვილმა მატჩის დასრულების შემდეგ პრესკონფერენციაზე განაცხადა.
ევროპის ჩემპიონატზე საქართველო-ჩეხეთის ნაკრებებს შორის მატჩი ფრედ, 1:1 დასრულდა. შესაბამისად, საქართველოს ნაკრებმა ჩემპიონატზე პირველი ქულა მოიპოვა.
მატჩის პირველი გოლი საქართველოს ნაკრების ფეხბურთელმა, გიორგი მიქაუტაძემ 45-ე წუთზე 11- მეტრიანით გაიტანა.
საქართველო-ჩეხეთის მატჩის საუკეთესო მოთამაშედ გიორგი მამარდაშვილი დასახელდა. აღსანიშნავია, რომ პირველ ტაიმში გიორგის ანგარიშზე 8 "სეივია", მეორეში კი კიდევ 3 დაამატა.
დიახ, "მამარდამ" ჩეხეთთან მატჩში 11 მოგერიება შეასრულა, რაც ბოლო 20 წლის განმავლობაში ევროპირველობის ყველაზე მაღალი მაჩვენებელია.
ევროპის ჩემპიონატის ისტორიაში ყველაზე მეტი მოგერიება 2004 წელს, ლატვიის ნაკრების მეკარემ ალექსანდერ კოლინკომ ნიდერლანდებთან დაპირისპირებაში შეძლო.