მდინარე ლიახვში მაშველებმა მოზარდის ცხედარი იპოვეს
მდინარე ლიახვში მაშველებმა მოზარდის ცხედარი იპოვეს. საგანგებო სიტუაციების მართვის სამსახურის ცნობით, მოზარდის ცხედარი დღეს დილით იპოვეს.
გუშინ გავრცელდა ინფორმაცია, რომ 14 წლის მოზარდი ცხინვალში მდინარე ლიახვმა გაიტაცა. მას ნიქოზის კაშხლის სიახლოვეს ეძებდნენ. დე ფაქტო სამხრეთ ოსეთის წარმომადგენელმა ეგორ კოჩიევმა, ცხელი ხაზის გამოყენებით, დახმარებისთვის ქართულ მხარეს მიმართა.