"ამ უწყლობისას, ამ ვიდეოს ჩვენება არ არის კარგი საქციელი" - რა გამოხმაურება მოჰყვა სოციალურ ქსელში თბილისის ზოოპარკის მიერ გამოქვეყნებულ კადრებს
"ბეგიმ კბილებიც გაიხეხა, პირიც დაიბანა და ტანიც. და თქვენ რას შვრებით?" - თბილისის ზოოპარკის მიერ გამოქვეყნებულ ვიდეოს სოციალურ ქსელში სახალისო გამოხმაურება მოჰყვა.
"საყვარელი ბეგლარი, ის მაინც იყოს დაბანილ-დავარცხნილი...
ამ უწყლობისას, ამ ვიდეოს ჩვენება არ არის კარგი საქციელი...
ჩვენ კი ვართ წყლის მოლოდინში...
ჩვენც იმავეს ვიზამთ, წყალი თუ გვაღირსეს...
მოვდივარ ბეგისთან საბანაოდ...
ჩვენ ისღა დაგვრჩენია, რომ ბეგის გვშურდეს..." - წერენ ვიდეოს კომენტარებში სოციალური ქსელის მომხმარებლები.
ცნობისთვის, სოფელ წიწამურის მიმდებარედ წყალმომარაგების ცენტრალური მაგისტრალური მილსადენის დაზიანების გამო, თბილისის მოსახლობის ნაწილს წყალი გრაფიკით მიეწოდება.