კიევში “თანასწორობის მარში“ გაიმართა - ქუჩაში პარალელურად მათი მოწინააღმდეგეებიც გამოვიდნენ
კიევში “თანასწორობის მარში“ გაიმართა. ღონისძიება დაახლოებით 30 წუთი გაგრძელდა.
მსვლელობის დასრულების შემდეგ, პროვოკაციების თავიდან აცილების მიზნით, ორგანიზატორებმა მონაწილეებს მოუწოდეს ლგბტ სიმბოლოების შენახვის შემდეგ ჩასულიყვნენ მეტროში. ღონისძიებაში მონაწილეობდნენ, აქტივისტები, დიპლომატიური მისიებისა და საერთაშორისო ორგანიზაციების წარმომადგენლები, უცხოელი პოლიტიკოსები და საერთაშორისო დამკვირვებლები.
პარალელურად მსვლელობა გააპროტესტეს ტრადიციული ღირებულებების მხარდამჭერმა აქტივისტებმა.