რას წერს ნატალია ყიფშიძე სოციალურ ქსელში ატეხილ აჟიოტაჟზე, მას შემდეგ, რაც ზურა და გიორგი ყიფშიძეებმა სცენიდან "უცხოური გავლენის გამჭვირვალობის შესახებ" კანონპროექტი გააპროტესტეს?
"უცხოური გავლენის გამჭვირვალობის შესახებ" კანონპროექტი გუშინ თუმანიშვილის თეატრის დასის მსახიობებმა გააპროტესტეს. მსახიობებს შორის, რომლებიც სცენაზე იდგნენ, მამა-შვილი ყიფშიძეებიც იყვნენ.
სოციალურ ქსელში წერდნენ, რომ ზურას და გიორგის ეს პროტესტი ნატალია ყიფშიძის დამსახურებაა. თავად ნატალია ამბობს, რომ პროტესტი დასის ინიციატივა იყო და იქ მისი ოჯახის დანახვა ძალიან გაუხარდა.
"ბევრი ლამაზი სიტყვები წავიკითხე და უზომოდ მადლიერი ვარ! მაგრამ ეს ყველაფერი მსახიობთა დასის დამსახურებაა და ამას ჩემს სახელს ვერ მივაკერებ.
მიხარია ყოველი ხმამაღალი განაცხადი, რომელიც ქვეყნის კეთილდღეობას ითვალისწინებს და ჩემი ოჯახის დანახვაც რა საკვირველია სასიხარულოა ჩემთვის" - წერს ნატალია ყიფშიძე.