ირანის პრეზიდენტი და საგარეო საქმეთა მინისტრი, ვერტმფრენის ჩამოვარდნის შედეგად, დაიღუპნენ - რა კადრები ვრცელდება უცხოურ მედიაში
ირანულ მედიაში გავრცელდა ინფორმაცია, რომ ჩრდილო-დასავლეთ ირანში ვერტმფრენის ჩამოვარდნისას მასში მყოფი ყველა ადამიანი, მათ შორის, პრეზიდენტი ებრაჰიმ რაისი და საგარეო საქმეთა მინისტრი ჰოსეინ ამირ-აბდოლაჰიანი, დაიღუპა.
პრეზიდენტთან და საგარეო საქმეთა მინისტრთან ერთად იყვნენ პროვინცია აღმოსავლეთ აზერბაიჯანის გუბერნატორი, ქალაქ თავრიზის იმამი და პრეზიდენტის დაცვის უფროსი. ეკიპაჟის შემადგენლობაში იყვნენ ორი პილოტი და ტექნიკოსი.