რა ხდება ამ წუთებში სავალუტო ჯიხურებში - ლონდონის საფონდო ბირჟაზე ქართული კომპანიების აქციების ფასი იკლებს - პალიტრა ვიდეო

ნინი ქობალია

Bloomberg-ის სავაჭრო პლატფორმაზე 15:57 საათისთვის ერთი დოლარი 2.7375 ლარად ივაჭრება. პლატფორმაზე ვაჭრობა 2.7000 კურსით დაიწყო.

„ბიზნესპრესნიუსი“ დაინტერესდა, თუ რა ღირს დოლარი კომერციულ ბანკებში.

ამ დროისათვის, „საქართველოს ბანკში“ 1 ამერიკული დოლარის შეძენა მოქალაქეებს 2.7950 ლარად, მისი გაყიდვა კი 2.6950 ლარად შეეძლებათ.

„თიბისი ბანკში“ 1 აშშ დოლარის ყიდვა 2.8000 ლარადაა შესაძლებელი, ხოლო მისი გაყიდვა - 2.6900 ლარადაა შესაძლებელი.

„ვითიბი ბანკში“ 1 დოლარის ღირებულება 2,7850 ლარია, მის გაყიდვას კი მოქალაქეები 2,6550 ლარად შეძლებენ.

2.8050 ლარი ღირს ერთი დოლარი „პროკრედიტ ბანკში“, 2.7700 - „ტერაბანკში“ და ა.შ.

ეროვნული ბანკის ოფიციალური კურსით კი, 1 აშშ დოლარის ოფიციალური ღირებულება 2.6866 ლარია.

ლონდონის საფონდო ბირჟაზე ქართული კომპანიების აქციების ფასი იკლებს. დღევანდელი ვაჭრობის შედეგად, შემცირდა როგორც "საქართველოს ბანკის" და „თიბისის“ აქციების ღირებულება, ასევე "საქართველოს კაპიტალის”.

თბილისის დროით 13:30 საათისთვის.