აქციის მონაწილეების ნაწილმა მსვლელობით ჭავჭავაძის გამზირზე გადაინაცვლა
აქციის მონაწილეების ნაწილმა, რომლებიც გმირთა მოედანზე “უცხოური გავლენის გამჭვირვალობის შესახებ” კანონის მესამე მოსმენით მიღებას აპროტესტებდნენ, მსვლელობით ჭავჭავაძის გამზირზე გადაინაცვლა.
“მეტი ტერიტორია უნდა მოვიცვათ და ყველას გავაგებინოთ, რომ ვერ გაგვარუსებენ. ჩვენ ვართ საქართველო!
არ აყვეთ შესაძლო პროვოკაციებს, იყავით მშვიდად. გახსოვდეთ, რომ სასწრაფოს ყველა მანქანას ვუთმობთ გზას", - აცხადებენ აქციის მონაწილეები.