"რამდენიმე სპეცრაზმელი გაუსწორდა ფიზიკურად... გონებაც დაკარგა, დაზიანებები აქვს სახისა და თავის არეში" - რას ამბობს ლაზარე გრიგორიადისზე მისი ადვოკატი - პალიტრა ვიდეო

"რამდენიმე სპეცრაზმელი გაუსწორდა ფიზიკურად... გონებაც დაკარგა. დაზიანებები აქვს სახისა და თავის არეში", - ამის შესახებ ლაზარე გრიგორიადისის ადვოკატი ეკა ქობესაშვილი "მთავარ არხთან" საუბრობს.

"ლაზარე დაკავებულია ადმინისტრაციული წესით - წვრილმანი ხულიგნობა და პოლიციისთვის დაუმორჩილებლობა, თუმცა ყველამ ნახა ის კადრები, მსგავს ადმინისტრაციულ დარღვევას ადგილი იქ არ ჰქონია. დაკავების დროს მოხდა ლაზარეზე ფიზიკური ანგარიშსწორება. აქვს დაზიანებები სახის და თავის არეში. აქვს თავის ტკივილები. ასევე, ხელები აქვს დაზიანებული. დროებითი მოთავსების იზოლატორში, სადაც მოხდა მისი შესახლება, რამდენიმე საათის განმავლობაში მას ხელბორკილები ჰქონდა მჭიდროდ მოჭერილი და აქვს ეს დაზიანებები, რაც წარმოადგენს, რა თქმა უნდა, დარღვევას. ეს არის არაადამიანური მოპყრობა. რაც შეეხება დაზიანებებს, არის თვალსაჩინო და ძირითადად არის სახის არეში და თავის არეში. მას რამდენიმე სპეცრაზმელი გაუსწორდა ფიზიკურად. გონებაც დაკარგა ცემის მომენტში, არ ახსოვს რაღაც მომენტები, მაგრამ ამ ეტაპზე არის ექიმის მიერ ნახული,"- ამბობს ადვოკატი.

მისივე თქმით, გამოძიების დაწყების მიზნით, აპირებენ, მიმართონ სპეციალურ საგამოძიებო სამსახურს.

წყარო: https://mtavari.tv/news/156375-ramdenime-spetsrazmeli-gauscorda-pizikurad