“აუცილებელია, რომ მთავრობამ ჩვენს დასავლელ პარტნიორებთან გამონახოს კომპრომისი; ველოდები პოზიტიურ ცვლილებებს ამ მიმართულებით“ - რას წერს გლდანის მაჟორიტარი დეპუტატი
გლდანის მაჟორიტარი დეპუტატი კოტე ზარნაძე ბოლო დროს საქართველოს დედაქალაქში, კერძოდ კი, რუსთაველის გამზირზე განვითარებულ მოვლენებს სოციალურ ქსელში სტატუსით ეხმაურება:
“აუცილებელია, რომ მთავრობამ ჩვენს დასავლელ პარტნიორებთან გამონახოს კომპრომისი. დასავლური დემოკრატია არის ერთადერთი ხსნა ამ ქვეყნის განვითარების გზაზე. ველოდები პოზიტიურ ცვლილებებს ამ მიმართულებით.
ასევე, მჯერა, რომ ყველა ფაქტზე, სადაც თვალსაჩინოა ძალადობა, პოლიცია მოახდენს რეაგირებას და დასჯის ყველა იმ პირს, ვინც ამ პროცესებში მონაწილეობა მიიღო“ - წერს ზარნაძე.