"არსებობს ზნეობრივად წითელი ხაზები..." - რას ამბობს ივლიანე ხაინდრავა, რომელმაც ე.წ. აგენტების კანონპროექტის გამო თანამდებობა დატოვა
რამდენიმე საათის წინ ცნობილი გახდა, რომ შერიგებისა და სამოქალაქო თანასწორობის საკითხებში სახელმწიფო მინისტრის მრჩეველმა ივლიანე ხაინდრავამ თანამდებობა დატოვა. შეგახსენებთ, რომ ის რეჟისრო, გოგა ხაინდრავას ძმაა.
ambebi.ge-სთან ინტერვიუში, ის ამბობს, რომ არ ეთანხმება კურსს, რომელსაც ხელისუფლება დაადგა და ასეთ პირობებში შეუძლებლად მიიჩნევს თანამშრომლობას სახელმწიფო სტრუქტურებთან. როგორც ივლიანე ხაინდრავა ამბობს, არც ერთი კანონი სამოქალაქო დაპირისპირებად არ ღირს.
"ჩემი გადაწყვეტილება არ იყო პოლიტიკური გადაწყვეტილება, ეს იყო ზნეობრივი. მე არ ამირჩევია რომელიმე მხარე პოლიტიკურ დაპირისპირებაში, მეტიც, წლების განმავლობაში ვმუშაობდი ამ ხელისუფლებასთან, რომელიც დღეს გვაქვს, მაგრამ არსებობს ზნეობრივად წითელი ხაზები და ჩემთვის ყველაზე უფრო მიუღებელია ხელოვნურად გამოწვეული და დათესილი დაპირისპირება ჩემს თანამოქალაქეებს შორის. ამიტომ ვიმეორებ, ეს არის ძირითადად და უპირველესად ზნეობრივი ნაბიჯი. პოლიტიკის თვალსაზრისით, რთული არჩევანის წინაშე ვდგავარ, რაღა დაგიმალოთ."
ინტერვიუს სრულად სანახავად გადადით ლინკზე: https://www.ambebi.ge/article/309840-arsebobs-zneobrivad-citeli-xazebi-es-nabiji-che/?fbclid=IwZXh0bgNhZW0CMTEAAR0csDKBDRCyPQA-oQQrzHtrYq3gS_Dm1DL9pu9K52IefRg9gMBRtgjg3Sw_aem_AYdtIBnkxvFCCKSPLxeRmpY_2Mf_yaSmxkmNw2jHk1T_Elizn-7tUJ9_wZrfiBa6grQ36UdMHSEY81AOjnj4ZYuX