რა ხდება ამ წუთებში პარლამენტის მიმდებარე ტერიტორიაზე, სპეცრაზმი ტერიტორიას შეძახილების ფონზე ტოვებს
პარლამენტიდან, კერძოდ კი, ჩიტაძისა და ჭიჭინაძის ქუჩებიდან, სპეცდანიშნულების რაზმი გაიყვანეს. ტერიტორიიდან გაყვანილი არიან ასევე კრიმინალური პოლიციის თანამშრომლებიც.
მათი ნაწილი განსაკუთრებულ დავალებათა დეპარტამენტის შენობაში შეიყვანეს.
სამართალდამცველების ტერიტორიიდან გაყვანას ჩიტაძის ქუჩაზე მყოფი მოქალაქეები ტაშით და შეძახილებით შეხვდნენ. ისინი სკანდირებდნენ: „მონებო“, „წადით“.
ამ დროისთვის, „უცხოური გავლენის გამჭვირვალობის შესახებ“ კანონპროექტის მოწინააღმდეგე მოქალაქეები როგორც პარლამენტის წინ, ასევე გვერდითა შესასვლელებთან - ჩიტაძისა და ჭიჭინაძის ქუჩებზეც რჩებიან.