რა ხდება ცნობილი ბიჭზე, რომელმაც ვახტანგ გორგასალს ხელში საქართველოს დროშა დააჭერინა- “გუშინ არ დავწერე გურამის ნებართვის გარეშე- მამა აფხაზეთის ომში დაიღუპა, აფეთქებულ ვერტმფრენში იჯდა...“
ევროპის მოედანზე „უცხოური გავლენის გამჭვირვალობის შესახებ“ კანონპროექტის საწინააღმდეგო აქცია გაიმართა.
პროტესტის ერთ-ერთმა მონაწილემ ვახტანგ გორგასლის ძეგლზე საქართველოს დროშა აიტანა და დაამაგრა.
აღნიშნული პირის ვინაობის თაობაზე მარინა ბერიძე სოციალურ ქსელში წერს:
"გუშინ არ დავწერე გურამის ნებართვის გარეშე. დღეს უკვე ვნახე, რომ სხვებმა დაწერეს და დავამატებ: ეს კარგი ბიჭი ჩვენი დათუნა ხუციშვილის ვაჟია, გურამ ხუციშვილი.
გახსოვთ, 9 აპრილის შესახებ ფილმში კუბოკრულპერანგიანი ლამაზი ბიჭი კისერზე შემოსმული შვილით. აი, ის პატარაა ეს გურამი ჰოდა, მოდი და სიმბოლოებს ნუ დაუჯერებ: მამა აფხაზეთის ომში დაიღუპა, აფეთქებულ ვერტმფრენში იჯდა. ვაჟმა მისი "დანატოვარი" სიმბოლური დროშა ვახტანგ გორგასალს დააჭერინა ხელში!...
მითხარით, რომ ეს სასწაული არ არის!" - წერს მარინე ბერიძე სოციალურ ქსელში.