"საუკუნის კადრი და ვიდეოა" - კადრები "ევროპის მარშიდან"
თბილისში ევროპის მოედნისკენ „ევროპის მარში“ ეწყობა. სოციალურ ქსელში ვრცელდება ვიდეო, რომელშიც ჩანს მტკვრის ორივე სანაპიროზე შეკრებილი ხალხი.
"საუკუნის კადრი და ვიდეოა..
რა სილამაზეა...
ყველაფერთან ერთად, ძალიან ლამაზია...
რა გადასარევია...
საოცრებაა...
ჩემი საქართველო..." - წერენ ვიდეოს კომენტარებში სოციალური ქსელის მომხმარებლები
ცნობისთვის, მოქალაქეები, რომლებიც „უცხოური გავლენის გამჭვირვალობის შესახებ“ კანონპროექტს აპროტესტებენ, მსვლელობით დაიძრნენ მეტროსადგურ „300 არაგველის“ მიმდებარე ტერიტორიიდან, რესპუბლიკის მოედნიდან და მარჯანიშვილის მოედნიდან, სადაც აქციის მონაწილეებს მანამდე, ასევე მარშით შეუერთდნენ „ექსპო ჯორჯიასთან“ შეკრებილები.
სამივე მსვლელობა ევროპის მოედანზე უნდა დასრულდეს, სადაც „უცხოური გავლენის გამჭვირვალობის შესახებ“ კანონპროექტის წინააღმდეგ აქცია გაგრძელდება.
ვიდეო: გოგი გვახარია