პარლამენტის ტერიტორიიდან, აქციის მონაწილეებმა „ქართული ოცნების” ოფისის მიმართულებით მსვლელობა დაიწყეს - კადრები ადგილიდან
პარლამენტის წინ, „უცხოური გავლენის გამჭვირვალობის შესახებ” კანონპროექტის წინააღმდეგ მიმდინარე აქციის მონაწილეებმა “ქართული ოცნების” ოფისის მიმართულებით მსვლელობა დაიწყეს.
როგორც ორგანიზატორები აცხადებენ, მსვლელობას სასტუმრო “პარაგრაფთან” შეკრებილი მოქალაქეებიც შეუერთდებიან.
„საქართველო!”, “ჩვენი გზა ევროპაშია!”, - სკანდირებენ აქციის მონაწილეები.
ორგანიზატორების განცხადებით, ისინი მსვლელობით ჯერ „ქართული ოცნების” ოფისთან, შემდეგ იუსტიციის სახლთან, ხოლო ბოლოს ქაშვეთის ეკლესიასთან მივლენ.