"ყველაფერს პოლიტიკას ნუ უკავშირებთ, გეკითხათ ჯერ" - რას წერს ბუდუ ზივზივაძე? - პალიტრა ვიდეო

"ჩემით გავაუქმე, მანამდეც გაუქმებული მქონდა. არანაირი შემოსევა არ ყოფილა. ყველაფერს პოლიტიკას ნუ უკავშირებთ, გეკითხათ ჯერ," - ამის შესახებ, საქართველოს საფეხბურთო ნაკრების წევრი, ბუდუ ზივზივაძე წერს.

შეგახსენებთ, რომ მისი სოციალური ქსელი "ფეისბუქი" აღარ იძებნება, რასაც საზოგადოების გარკვეული ნაწილი "რეპორტებს" უკავშირებდა.

ფეხბურთელმა, გუშინ, მხარდაჭერა გამოუცხადა აქციის მონაწილეებს, რომლებიც „უცხოური გავლენის გამჭვირვალობის“ შესახებ კანონპროექტს აპროტესტებენ.

"ძალიან სამწუხაროა, რომ სპორტსმენს კონკრეტულად კი ფეხბურთელს უკვე მეორედ მიწევს დავაფიქსირო აზრი ქვეყანაში მიმდინარე მოვლენებზე და არ მიწევს ფეხბურთზე ფიქრი და ევროპის ჩემპიონატისთვის მომზადება, რომ ჩემი ქვეყანა ვასახელო დიდ საფეხბურთო ფორუმზე.

როგორც რიგითი საქართველოს მოქალაქე თავს ვალდებულად ვთვლი, რომ კვლავ გავიმეორო - არა რუსეთს და არა ყველაფერს, რაც საქართველოს რუსეთისკენ მიაქანებს. საქართველოს გზა ევროპაშია. ვდგავარ იმ ახალგაზრდების გვერდით, ვინც თავიანთ ჯანმრთელობას საფრთხის ქვეშ აყენებენ საქართველოს მომავლისთვის. ვერანაირად გამართლდება მშვიდობიან მომიტინგეებზე თავდასხმა.

პ.ს მსურს, რომ საქართველო ყოველთვის ისეთი ერთიანი და ბედნიერი იყოს, როგორც 26 მარტის ღამეს იყო... მე ვარ საქართველო"...