"როგორც იქცევით, სამარცხვინოა"- პარლამენტის ეზოში გიორგი ჩაკვეტაძე და ანა ნაცვლიშვილი ერთმანეთს დაუპირისპირდნენ - პალიტრა ვიდეო

პარლამენტის ეზოში „ქართული ოცნების“ დეპუტატ გიორგი ჩაკვეტაძესა და „ლელოს“ წევრ ანა ნაცვლიშვილს შორის სიტყვიერი დაპირისპირება მოხდა.

უფრო კონკრეტულად, მაშინ, როდესაც ჩაკვეტაძე მედიასთან კომენტარს აკეთებდა, მასთან ანა ნაცვლიშვილი მივიდა, დაშავებული ლევან ხაბეიშვილის სურათი აჩვენა და რიტორიკული კითხვა დაუსვა, „არის თუ არა ასე ნაცემი ადამიანი პოლიციის მხრიდან შესაბამისი ღონისძიება“.

ჩაკვეტაძემ ნაცვლიშვილის ქცევას სამარცხვინო უწოდა, რაზეც ოპოზიციონერმა მას უთხრა, რომ თავად „ქართული ოცნების“ ქმედებებია „სამარცხვინო და მოღალატეობრივი“. საპასუხოდ, მმართველი პარტიის დეპუტატმა მას უთხრა, რომ სიტყვები შეარჩიოს.