"ამ სიბინძურეს რომ კადრულობ, მივმართავ თავმჯდომარეს, რომ შეგაწყვეტინოს" - დაპირისპირება ლევან ხაბეიშვილსა და მამუკა მდინარაძეს შორის
იურიდიულ საკითხთა კომიტეტის სხდომა, სადაც „უცხოური გავლენის გამჭვირვალობის შესახებ“ კანონპროექტი მეორე მოსმენით განიხილება, ხმაურის ფონზე მიმდინარეობს.
ხმაური „ერთიანი ნაციონალური მოძრაობის“ თავმჯდომარის, ლევან ხაბეიშვილის კითხვას მოჰყვა.
ხაბეიშვილმა უმრავლესობის ლიდერს, მამუკა მდინარაძეს, მიმართა, რა დროსაც მას ჰკითხა კანონის მიღების მიზანი ევროკავშირზე უარის თქმა ხომ არ იყო.