რესპუბლიკურ საავადმყოფოს ახალი დირექტორი ჰყავს
თბილისის რესპუბლიკურ საავადმყოფოს ახალი დირექტორი ჰყავს. საავადმყოფოს თანამშრომლებს ალექსანდრე მესხი ჯანდაცვის მინისტრმა წარუდგინა.
როგორც მიხეილ სარჯველაძემ აღნიშნა, ახალი ხელმძღვანელი სამედიცინო დაწესებულების წინაშე არსებული პრობლემების გადასაჭრელად სამოქმედო გეგმას უახლოეს მომავალში წარადგენს. ჯანდაცვის მინისტრმა ალექსანდრე მესხს წარმატება უსურვა და სამინისტროს სახელით, სრული მხარდაჭერა გამოუცხადა. რესპუბლიკური საავადმყოფოს ახალმა დირექტორმა, მიხეილ სარჯველაძეს გამოცხადებული ნდობისთვის მადლობა გადაუხადა და აღნიშნა, რომ სამედიცინო დაწესებულების წინაშე არსებული გამოწვევების დასაძლევად, კლინიკის გუნდთან ერთად, აქტიურად იმუშავებს. ალექსანდრე მესხი ეკონომიკის მაგისტრია. აქვს საჯარო სექტორში მუშაობის მრავალწლიანი გამოცდილება, სადაც სხვადასხვა წელს წამყვან მენეჯერულ პოზიციებს იკავებდა," - ნათქვამია ჯანდაცვის სამინისტროს ინფორმაციაში.