სტუდენტების განცხადებით, “უცხოური გავლენის გამჭვირვალობის შესახებ” კანონპროექტის წინააღმდეგ აქცია 23 აპრილს, 19:00 საათზე, კვლავ გაიმართება
პარლამენტთან “უცხოური გავლენის გამჭვირვალობის შესახებ” კანონპროექტის წინააღმდეგ აქცია დასრულდა.
სტუდენტების განცხადებით, აქცია 23 აპრილს, 19:00 საათზე, კვლავ გაიმართება.
დროისთვის რუსთაველის გამზირზე სატრანსპორტო მოძრაობა აღდგენილია.
სტუდენტები თავდაპირველად თსუ-სთან შეიკრიბნენ, საიდანაც მსვლელობით პარლამენტთან გადაინაცვლეს. მათ აქცია “ქართული ოცნების” ოფისის მიმდებარე ტერიტორიაზეც გამართეს, სადაც პოლიციელების კორიდორი დახვდათ და უშუალოდ ოფისთან მისვლა ვერ შეძლეს.