"მედვედევს რაც მოსწონს, დუგინს რაც მოსწონს - ჩვენ ავტომატურად, უკითხავად, უსიტყვოდ არ მოგვწონს" - რას წერს სოციალურ ქსელში ფრაქცია "ქართული ოცნების" თავმჯდომარის პირველი მოადგილის შვილი?
"მედვედევს რაც მოსწონს, დუგინს რაც მოსწონს - ჩვენ ავტომატურად, უკითხავად, უსიტყვოდ არ მოგვწონს, 2x2.
ოდესმე ხომ მოკვდებით. და თქვენს სიკვდილსაც ხომ ვიზეიმებთ. და ოდესმე ხომ დაინგრევა თქვენი იმპერია, ჩვენს დროს თუ ჩვენი შვილების დროს, არ აქვს მნიშვნელობა. და ხომ გავთავისუფლდებით თქვენგან, თქვენი გავლენებისგან, თქვენი მოწონებული საქციელებისგან.
მაგ დღეზე ოცნებით იმდენი ადამიანი ვცხოვრობთ, რომ ახდება" - ამის შესახებ სოციალურ ქსელში ფრაქცია "ქართული ოცნების" თავმჯდომარის პირველი მოადგილის, გია ცაგარეიშვილის შვილი ირო ცაგარეიშვილი წერს, რითაც რუსეთის ფედერაციის ყოფილი პრეზიდენტის და უშიშროების საბჭოს თავმჯდომარის მოადგილის, დიმიტრი მედვედევის განცხადებას ეხმაურება.