"დამიდგინდა ავთვისებიანი სიმსივნე, წავედი ჩოხატაურში და ამ ქალბატონმა მომცა წამალი, ამის მიღების შემდეგ კი..." - რას ჰყვება ქალი, რომელიც მძიმე დაავადებას ებრძვის
ლიცენზირებული კლინიკების წინააღმდეგ საჩივრები ხშირია, ე.წ. სახალხო ექიმებს კი იშვიათად უჩივიან. ექიმბაშების მკურნალობის მეთოდებს მედიცინა არ აღიარებს.
მცენარეული ნაყენებითა და მალამოებით განკურნებულ ონკოპაციენტებზე ამბავი ჩოხატაურიდან თბილისამდე გასულ წელს ჩამოვიდა და თბილისის ერთ-ერთ უბანში მცხოვრები ასაკოვანი ქალის ბედიც ნაწილობრივ გადაწყვიტა. დღეს სწორედ ამ ამბავზე, ჩვენი რესპონდენტისთვის გამხდარ ბიზნესად ქცეულ ჯანმრთელობაზე მოგიყვებით.
რესპონდენტს, რომელიც დღეს საკუთარი სიცოცხლისთვის იბრძვის, კამერებთან გამოჩენა არ სურს, თუმცა გვიზიარებს ისტორიის იმ დეტალებს, რომლებზეც საჯაროდ არასდროს უსაუბრია.