თბილისის ერთ-ერთ სადარბაზოში სათვალთვალო კამერამ სკანდალური კადრები დააფიქსირა
თბილისის ერთ-ერთ სადარბაზოში სათვალთვალო კამერამ სკანდალური კადრები დააფიქსირა
“ქრონიკა პლუსის“ მთავარი რედაქტორი ელისო კილაძე თბილისის ერთ-ერთ სადარბაზოში სათვალთვალო კამერის მიერ გადაღებულ სკანდალურ კადრებს აქვეყნებს.
“მამაოები ადრესზე. ღმერთო, ჩამოდი, უნდა გელაპარაკო“ - წერს ელისო კილაძე. რამდენიმე საათით ადრე კი ჟურნალისტი აანონსებდა, რომ აპირებდა სკანდალური ვიდეოს გავრცელებას.
“43 მამაოა მხილებული ნარკოდანაშაულში. ზოგი კურიერია. დაკითხვაზე დაჰყავთ“ - წერს კილაძე. თუმცა იქვე აღნიშნავს, რომ ზოგიერთის აზრით, ვიდეოში აღნიშნული პირები მამაოები არ არიან და უბრალოდ მათ ფორმაში არიან გადაცმულები.
“მოფრინდა ჩემი ჩიტი. საპატრიარქოსთვისაც შოკი იყო გავრცელებული ვიდეო - ახლა მსჯელობენ, რა განცხადება გააკეთონ! მანამდე ბნელი მრევლი ამტკიცებს, რომ გადაცმულები არიან და დადგმულია სცენაო.
ანაფორა ჩავაცვი, მივიყვანე პანელების საჩიჩქნად და მაცხოვრებლის კამერამ გადაიღო. ვისაც ამ ვერსიის გჯერათ, დამიკავშირდით, კარგ ექიმს გიპოვით“ - წერს ელისო კილაძე.