ინციდენტი ვატიკანში სააღდგომო წირვის დროს - რომის პაპის წინ ქრისტეს ხატი დაეცა
ვატიკანში სააღდგომო წირვის დროს, რომის პაპ ფრანცისკეს იესო ქრისტეს ხატი დაეცა. შესაბამისი ვიდეო ინტერნეტში გავრცელდა.
მასზე ჩანს, როგორ უბიძგებს ქარის ძლიერი ნაკადი უძველეს ხატს და ეცემა ფრანცისკესგან არც თუ ისე შორს. ერთ-ერთმა იქ მდგომმა პირმა მისი შეკავება სცადა, მაგრამ ვერ მოასწრო.
იტალიური გაზეთი Il Messaggero წერს, რომ ონლაინ ეს ინციდენტი უკვე შეადარეს სხვა მსგავს სიტუაციებს, რომლებიც დაემთხვა ვატიკანში დიდ ცვლილებებს.
მაგალითად, 2013 წელს გამოჩნდა ფოტო, რომელზეც ელვის დაარტყმაა ასახული რომის წმინდა პეტრეს ბაზილიკაზე იმ დღეს, როდესაც რომის პაპმა ბენედიქტ XVI-მ გამოაცხადა წმინდა საყდრის დატოვების განზრახვა.