როგორ ზეიმობს თურქეთი არჩევნებში ოპოზიციის გამარჯვებას - კადრები ადგილიდან - პალიტრა ვიდეო

თურქეთის ხელისუფლება არჩევნებში 22-წლიანი მმართველობის განმავლობაში პირველად დამარცხდა.

თურქეთში მუნიციპალური არჩევნები ჩატარდა. წინასწარი შედეგებით, ქვეყნის მთავარმა ოპოზიციურმა პარტიამ დიდ ქალაქებზე კონტროლი შეინარჩუნა. საერთო ჯამში, „სახალხო რესპუბლიკურმა პარტიამ“ თურქეთის 81 პროვინციიდან 36-ში გაიმარჯვა.

"შედეგების მიუხედავად, ამ არჩევნებში გამარჯვებული ჩვენი დემოკრატია და ეროვნული ნებაა", - ასე გამოეხმაურა თურქეთის პრეზიდენტი რეჯეფ თაიფ ერდოღანი ქვეყანაში ჩატარებულ მუნიციპალურ არჩევნებს.

მისი თქმით, თურქმა ხალხმა საარჩევნო ყუთი პოლიტიკოსებისთვის თავისი გზავნილების გადასაცემად გამოიყენა.

ერდოღანმა ხაზი გაუსვა, რომ პარტია ყოველთვის დემოკრატიისა და საარჩევნო ყუთის მხარესაა.