“ყველა ელოდა დაანონსებულ „სენსაციას“, მან კი თქვა, რომ საუკეთესო უკრაინელმა ჯადოქრებმა პუტინს, მედვედევს, შოიგუს, სოლოვიოვს, სკაბეევას და სიმონიანს სასიკვდილო ჯადო გაუკეთეს“ - უკრაინული მედია დმიტრო გორდონის გადაცემას განიხილავს
“ყველა ელოდა გორდონის მიერ დაანონსებულ „სენსაციას“, მან კი თქვა, რომ საუკეთესო უკრაინელმა ჯადოქრებმა პუტინს, მედვედევს, შოიგუს, სოლოვიოვს, სკაბეევას და სიმონიანს სასიკვდილო ჯადო გაუკეთეს“ - უკრაინული მედია დმიტრო გორდონის გადაცემას განიხილავს.
გადაცემის ნაწყვეტს აღნიშნული წარწერით უკრაინული “უნიანი“ ტელეგრამ-არხზე ავრცელებს.
- “მე მზად ვარ“ - აცხადებს გორდონი.
- “მაშინ, ძვირფასო მეგობრებო, ყურადღება ეკრანზე“ - პასუხობს წამყვანი, რის შემდეგაც უკრაინელი ჟურნალისტი ოფიციალურ განცხადებას აჟღერებს:
“მეგობრებო! ხელში მიჭირავს ოფიციალური განცხადება. საუკეთესო უკრაინელი ჯადოქრები და კუდიანები შეიკრიბნენ ღამით, სავსემთვარეობაზე, აირჩიეს 6 ყველაზე საზიზღარი სამხედრო დამნაშავე: პუტინი, მედვედევი, შოიგუ, სოლოვიოვი, სკაბეევა და სიმონიანი და ამ 6 ადამიანზე იქნა გაკეთებული სასიკვდილო ჯადო!
ჯადო გააკეთეს მკვდარ მიწაზე - 40 კუბოს მიწაზე; მკვდარ წყალზე - წყლით, რომლითაც 40 გარდაცვლილი განბანეს; ნაჭრებით - რომლებითაც 40 გარდაცვლილს შეუკრეს ხელები; მათი ფოტოები 40-ჯერ დაჩხვლიტეს ბოშური ნემსებით და მიაკრეს 40 კუბოს.
ამ 6 ადამიანს სასიკვდილო ჯადო აქვს გაკეთებული და ამის მოხსნას ვერავინ შეძლებს. ყველა მათგანს ელის საშინელი ავადმყოფობა და სიკვდილი. პირველი პასუხს აგებს სოლოვიოვი. მიმდინარე 2 თვის მანძილზე შედეგებს ყველა ნახავს.
სიკვდილი უკრაინის მტრებს - დიდება უკრაინას!“
შენიშვნა: აღნიშნული განცხადება გორდონმა 1 აპრილს გააკეთა. როგორც ცნობილია ეს დღე “ტყუილის დღედ“ ითვლება. თუმცა იყო თუ არა ეს საპირველაპრილო ხუმრობა, განმარტება ამის შესახებ არც წამყვანს გაუკეთებია და არც გადაცემის სტუმარს.