თათრეთის ორ ქალაქში აფეთქებების ხმა ისმოდა - უპილოტო საფრენმა აპარატებმა დრონების მწარმოებელ ქარხანას შეუტიეს
2 აპრილის დილას, ომის მიმდინარეობიდან პირველად, რუსეთში, თათრეთის რესპუბლიკის ქალაქებში - ელაბუგასა და ნიჟნეკამსკში, უპილოტო საფრენი აპარატებით თავს დაესხნენ სპეციალურ ეკონომიკურ ზონაში განთავსებულ კამიკაძე დრონების ასაწყობ ქარხანას. შედეგად, სულ მცირე, 7 ადამიანი დაშავდა.
რუსული Telegram-ის არხები აქვეყნებენ ვიდეოს იმ მომენტიდან, როდესაც უპილოტო საფრენი აპარატი ელაბუგაში ობიექტს ეჯახება. ტელეგრამის არხის, "Caution, News“-ის ცნობით, ელაბუგაში დაზიანდა ჰოსტელების კომპლექსი, რომელიც 2022 წელს აშენდა სპეციალური ეკონომიკური ზონის თანამშრომლებისა და ადგილობრივი კოლეჯის, "ალაბუგა პოლიტექის“ სტუდენტებისთვის.