"კატეგორიულები ვართ ამ მოთხოვნაში, რომ ამ ადამიანებს მოეხსნათ სანქციები " - "ქართული ოცნება" აშშ-სგან მოსამართლეებისთვის სანქციების მოხსნას ითხოვს
"ქართული ოცნება" ამერიკის შეერთებულ შტატებს მიმართავს და ქართველი მოსამართლეებისთვის სანქციების მოხსნას ითხოვს - საპარლამენტო უმრავლესობის ლიდერი ირწმუნება, რომ აკრძალვები ყოვლად უსაფუძვლოა და მოსამართლეთა კორუმპირებულობასთან დაკავშირებით მტკიცებულებები არ არსებობს.
მამუკა მდინარაძემ ფაქტს სასამართლოს წინააღმდეგ მიმართული კამპანია უწოდა და თქვა, რომ მოსამართლეების დისკრედიტაციის პროცესში მესამე სექტორი და გარკვეული პოლიტიკური პარტიები მონაწილეობენ.