"სახლებიდან მოსახლეობის ევაკუაცია განახორციელდა" - კადრები ნიდერლანდებიდან, სადაც ერთ-ერთ ბარში მძევლები აიყვანეს
ნიდერლანდების ქალაქ ედეს ერთ-ერთ ბარში აყვანილი სამი მძევალი გათავისუფლებულია, მაგრამ ოპერაცია გრძელდება, - ამის შესახებ ინფორმაციას ადგილობრივი პოლიცია ავრცელებს.
„სამი მძევალი ახლახან გათავისუფლდა. სიტუაცია ჯერ არ დასრულებულა“, - ნათქვამია პოლიციის განცხადებაში.
ედეს პოლიციამ ბართან ახლოს მდებარე 150 სახლიდან მოსახლეობის ევაკუაცია განახორციელა.